241Эцэг эх нь жил бүр, Алгасалын баяраар Иерусалим явдаг байв. 42Түүнийг арван хоёр настай байхад нь баярын заншил ёсоор тэд мөн тийш явцгаав. 43Тогтсон хоногуудын тоог гүйцээсний дараа тэд буцахад Есүс хүү Иерусалимд үлджээ. Эцэг эх нь ч үүнийг анзаарсангүй. 44Түүнийг жингийн цуваан дунд байгаа хэмээн тэд бодсоор аяныхаа нэг өдөр яваад төрөл садан, танилуудынхаа дунд Түүнийг хайтал 45эс олов. Есүсийг хайн Иерусалимд тэд буцаж ирэв. 46Гурван өдрийн дараа Түүнийг сүмд, багш нарын дунд суугаад тэднийг сонсож мөн тэднээс асууж байхад нь олжээ. 47Түүнийг сонссон бүхэн ухаан болоод хариултыг нь гайхаж байлаа. 48Түүнийг хараад тэд ч гайхаж, эх нь Түүнд

Есүсийн эх Мариа

—Хүү минь, Чи юунд бидэнд ингэж хандав? Харагтун, эцэг бид хоёр чинь санаа зовон Чамайг эрж хайлаа

гэхэд 49Тэр

Есүс

—Та нар юунд Намайг хайсан юм бэ? Эцэгийнхээ гэрт байх ёстойг минь мэдсэнгүй гэж үү?

гэв. 50Хэлсэн үгийг нь тэд эс ойлгов. 51Тэгээд Тэр тэдний хамт явсаар Назарт ирж, үгэнд нь дуулгавартай байлаа. Энэ бүхнийг эх нь зүрхэндээ нандигнан хадгалж байв. 52Есүсийн мэргэн ухаан, бие хаа өссөөр байсан агаад Бурханы хийгээд хүмүүсийн таалал Түүнд байлаа.

31Цезарь Тиберийн хаанчлалын арван тавдугаар онд, Понти Пилат Иудейг захирч, Херод нь Галилын захирагч, дүү Филип нь Итурае болон Трахонитын захирагч, Лусан нь Абилений захирагч, 2Аннас болон Каиаф нар тэргүүн тахилч байх үед цөлд буй Захариагийн хүү Иоханд Бурханы үг ирэв. 3Тэрээр нүгэл уучлагдах гэмшлийн баптисмыг тунхаглан Иордан хавийн бүх нутгаар явлаа. 4Энэ нь эш үзүүлэгч Исаиагийн үгстэй номд бичигдсэнчлэн

«Цөлд хашхирагч нэгний дуу
“Эзэний замыг бэлтгэцгээ,
Жимийг нь шулуун болгогтун.
5Гуу жалга бүр дүүрч,
Уул, толгод бүр намсаж,
Тахир нь шулуун болж,
Энхэл донхол зам тэгшрэх бөгөөд
6Махбодтой бүхэн
Бурханы авралыг үзнэ” гэнэ»
гэжээ. 

7Тиймээс тэр өөрөөр нь баптисм хүртэх гэж байсан ард олонд

Баптисч Иохан

—Хорт могойн удам аа, ирэх уур хилэнгээс зугтахыг хэн та нарт сануулав? 8Тийм бөгөөс гэмшилд зохистой үр жимснүүдийг гарга. “Абрахам бидний эцэг” гэж дотроо бүү хэл. Би та нарт хэлье. Бурхан энэ чулуунуудаас ч Абрахамд хүүхдүүд босгож чадна. 9Моддын үндсэнд сүх хэдийнээ зоогджээ. Иймээс сайн үр жимс ургуулдаггүй аливаа мод цавчигдан галд хаягдах болно

гэв. 10Цугласан олон түүнээс

Хурсан олон

—Тэгвэл бид юу хийх ёстой юм бэ?

гэж асууцгаав. 11Тэр тэдэнд

Баптисч Иохан

—Хоёр цамцтай нь цамцгүй нэгэндээ илүүчил. Хоолтой нэг нь үүний адил үйлдэгтүн

гэлээ. 12Татвар хураагчдын зарим нь баптисм хүртэхээр бас ирж, түүнээс

Татвар хураагчид

—Багш аа, бид яах болж байна?

гэхэд

Баптисч Иохан

— 13Та нар тогтоогдсоноос илүүг бүү авагтун

гэв. 14Зарим цэргүүд

Ромын цэргүүд

—Бид яах болж байна, бид яах ёстой юм бэ?

гэсэнд тэр—

Баптисч Иохан

Хэнээс ч хүчээр мөнгө бүү ав. Хэнийг ч хилсээр бүү гүтгэ. Авдаг хөлсөндөө сэтгэл хангалуун бай

гэлээ. 15Ард олон Христийг хүлээн, Иоханы тухай бүгд зүрхэндээ түүнийг Христ мөн болох эсэхийг эргэцүүлж байлаа. 16Иохан бүгдэд

Баптисч Иохан

—Би та нарт усаар баптисм хүртээдэг. Харин надаас илүү хүчирхэг Нэгэн ирж байна. Би Түүний шаахайн үдээсийг ч тайлах үнэ хүндгүй. Тэр та нарт Ариун Сүнс хийгээд галаар баптисм хүртээнэ. 17Үтрэмээ гүйцэд цэвэрлэн буудайгаа саравчинд овоолохын тулд Түүний гарт шигшигч байна. Харин хальсыг нь унтаршгүй галаар шатаана

гэж хэлэв. 18Тийнхүү өөр олон зүйлийг хэлж сэнхрүүлэн, тэр ард олонд сайнмэдээг тунхаглаж байлаа. 19Харин захирагч Херод, дүүгийнхээ эхнэр Херодиагийн хэргийн төлөө Иоханд зэмлүүлсэн нь Херодын үйлдсэн бүх ёрын муугаас болсон байтал 20дээр нь нэмээд Иоханыг шоронд бас тэр хориулжээ.21Ард олон бүгдээрээ баптисм хүртэж байх үед Есүс мөн баптисм хүртээд залбирч байв. Тэр зуур тэнгэр заагдан, 22Ариун Сүнс Түүн дээр тагтаа мэт биет хэлбэрээр буун иртэл, тэнгэрээс дуун гарч

Бурхан

—Хайрт Хүү минь чи билээ. Таалал минь Чамд оршдог

гэв. 23Есүс гучаад настайдаа үйлчлэлээ эхэлсэн бөгөөд хүмүүсийн боддогоор Тэр бол Иосефын хүү, Иосеф нь Елигийн, 24Ели нь Маттатын, Маттат нь Левийн, Леви нь Мелхигийн, Мелхи нь Ианнайн, Ианнай нь Иосефын, 25Иосеф нь Маттатиагийн, Маттатиа нь Амосын, Амос нь Нахумын, Нахум нь Хеслийн, Хесли нь Наггайн, 26Наггай нь Маатын, Маат нь Маттатиагийн, Маттатиа нь Семейний, Семейн нь Иосехын, Иосех нь Иодагийн, 27Иода нь Иоананы, Иоанан нь Ресагийн, Реса нь Зеруббабелын, Зеруббабел нь Шеалтиелын, Шеалтиел нь Нерийн, 28Нери нь Мелхигийн, Мелхи нь Аддийн, Адди нь Косамын, Косам нь Елмадамын, Елмадам нь Ерийн, 29Ер нь Иошуагийн, Иошуа нь Елиезерийн, Елиезер нь Иоримын, Иорим нь Маттатын, Маттат нь Левийн, 30Леви нь Симеоны, Симеон нь Иудагийн, Иуда нь Иосефын, Иосеф нь Ионамын, Ионам нь Елиакимын, 31Елиаким нь Мелеагийн, Мелеа нь Меннагийн, Менна нь Маттатагийн, Маттата нь Натаны, Натан нь Давидын, 32Давид нь Иессийн, Иесси нь Обедын, Обед нь Боазын, Боаз нь Салмоны, Салмон нь Нахшоны, 33Нахшон нь Амминадабын, Амминадаб нь Админы, Админ нь Рамын, Рам нь Хезроны, Хезрон нь Перезийн, Перез нь Иудагийн, 34Иуда нь Иаковын, Иаков нь Исаакийн, Исаак нь Абрахамын, Абрахам нь Терагийн, Тера нь Нахорын, 35Нахор нь Серугийн, Серуг нь Реугийн, Реу нь Пелегийн, Пелег нь Хеберийн, Хебер нь Шелагийн, 36Шела нь Кайнаны, Кайнан нь Арфаксадын, Арфаксад нь Шемийн, Шем нь Ноагийн, Ноа нь Ламехын, 37Ламех нь Метуселагийн, Метусела нь Енохын, Енох нь Иаредын, Иаред нь Махалалеелын, Махалалеел нь Кайнаны, 38Кайнан нь Еношийн, Енош нь Сетийн, Сет нь Адамын, Адам нь Бурханы хүү болой.

41Есүс Ариун Сүнсээр дүүрч Иорданаас буцаж цөлд Сүнсээр хөтлөгдөн, 2дөчин өдрийн турш диаволд соригджээ. Тэр өдрүүдэд юу ч идээгүй ба тэдгээрийг гүйцэхэд Тэрээр ихэд өлсжээ. 3Диавол Түүнд

Сатан

—Чи Бурханы Хүү мөн аваас энэ чулууг талх бол гэж тушаа

гэв. 4Есүс

Есүс

—“Хүн зөвхөн талхаар амьдардаггүй” гэж бичигдсэн байдаг

гэлээ. 5Дараа нь тэр Түүнийг дээш аваачаад, хоромхон зуур ертөнцийн бүх хаанчлалыг үзүүлэв. 6Тэгээд диавол, Түүнд

Сатан

—Энэ бүх эзэмшил болон эдгээрийн сүр хүчийг би Чамд өгье. Учир нь энэ бүгд надад өгөгдсөн юм. Би хүсвэл хэнд ч үүнийг өгч чадна. 7Тиймээс Чи надад мөргөвөөс, энэ бүгд Чинийх болно

гэхэд 8Есүс, түүнд

Есүс

—“Бурхан Эзэндээ чи мөргөж, зөвхөн Түүнд үйлчил” гэж бичигдсэн байдаг

гэв. 9Тэр Түүнийг Иерусалимд аваачин, сүмийн орой дээр зогсоогоод, түүнд

Сатан

—Чи Бурханы Хүү мөн юм бол эндээс доош үсэр.
10“Тэрээр тэнгэрэлч нартаа
Чамайг хамгаалах талаар тушаана.”
11“Чамайг хөлөө чулуунд цохичих вий гэсэндээ
Тэд гар дээрээ Чамайг өргөөд явна”
гэж бичигдсэн байдаг шүү дээ

гэсэнд 12Есүс

Есүс

—“Бурхан Эзэнээ бүү сорь” гэж бас айлдсан байдаг

гэлээ. 13Диавол хамаг сорилтоо бараад, тохиромжтой цаг иртэл Түүнийг орхин оджээ. 14Есүс Сүнсний хүч дотор Галилд буцаж ирэв. Түүний тухай зар эргэн тойрон дахь газар тархсан байлаа. 15Тэр синагогуудад нь сургаал зааж эхэлсэн агаад бүгд Түүнийг магтан шагшицгааж байв.

16Есүс Өөрийн өссөн хот Назарт ирж, заншсан ёсоороо Амралтын өдөр синагогт орж, Бичвэрээс уншихаар бослоо. 17Түүнд эш үзүүлэгч Исаиагийн номыг өргөн барив. Есүс номыг нээн доор бичигдсэн хэсгийг олоод

Есүс

18—Над дээр Эзэний Сүнс байна.
Учир нь ядууст сайнмэдээг хүргэхийн тулд
Намайг Эзэн тосолсон юм.
Тэр Намайг илгээсэн нь
Олзлогдогсдод эрх чөлөөг тунхаглах,
Сохруудад хараа оруулах,
Дарамтад байгсдыг
чөлөөлөхийн сацуу,
19Эзэний тааламжит жилийг
тунхаглахын тулд болой

гэж уншаад, 20номоо хуйлж харгалзагчид эргүүлэн өгөөд, суув. Синагогт байсан бүгдийн нүд Түүнийг ширтэн байлаа. 21Тэр тэдэнд

Есүс

—Энэхүү Бичвэр өнөөдөр сонсголд тань биеллээ

гэж айлдав. 22Бүгд Түүний тухай сайнаар ярьж, амнаас нь гарах нигүүлслийн үгст гайхаж байв. Тэд

Назарын хүмүүс

—Энэ чинь Иосефын хүү биш үү?

гэцгээж байлаа. 23Тэр тэдэнд

Есүс

—“Эмч ээ, өөрийгөө анагаа” гэх зүйрлэлийг та нар Надад хэлж, Капернаумд үйлдсэн гэж бидэнд сонсогдсон бүхнээ энд, төрөлх хотдоо бас үйлдээч гэх байх л даа

гээд, 24Тэр

Есүс

—Үнэнээр Би та нарт хэлье. Нэг ч эш үзүүлэгч төрөлх хотдоо хүндлэгддэггүй. 25Харин Би та нарт үнэнээр хэлье. Елиагийн өдрүүдэд гурван жил зургаан сарын турш тэнгэр хаагдан бүх газар их өлсгөлөн болох үед Израильд бэлэвсэн эмэгтэйчүүд олон байсан. 26Гэсэн хэдий ч Елиа тэдний хэнд нь ч бус зөвхөн Сидон нутгийн Зарефатын нэгэн бэлэвсэн эмэгтэйнд илгээгджээ. 27Мөн эш үзүүлэгч Елишагийн үед Израильд уяман өвчтэй байсан олон хүнээс нэг нь ч цэвэршээгүй атал зөвхөн Сирийн Нааман гэгч цэвэршжээ

гэв. 28Синагогт байгсад бүгд үүнийг сонсоод уур хилэнгээр дүүрч, 29босон харайж, Есүсийг хотоосоо гаргажээ. Тэгээд Түүнийг цохионоос түлхэн унагахаар толгодын оройд авчрав. Тэдний хот тэнд баригдсан ажээ. 30Харин Тэр тэдний дундуур өнгөрч, замаараа одлоо.

31Тэрээр уруудан явж, Галилын Капернаум хотод ирээд, Амралтын өдөр хүмүүст сургаал зааж байлаа. 32Түүний сургаал эрх мэдэлтэй байсан тул тэд сургаалыг нь гайхаж байлаа. 33Синагогт чөтгөрийн бузар сүнсэнд эзэмдүүлсэн нэгэн хүн байсан агаад тэр чанга дуугаар чарлан

Чөтгөрт эзлэгдсэн хүн

— 34Хүүе, Назарын Есүс ээ! Бид Танд ямар хамаатай билээ? Та биднийг устгахаар ирэв үү? Таны хэн болохыг, Бурханы Ариун Нэгэн гэдгийг би мэднэ

гэхэд 35Есүс түүнийг зандарч,

Есүс

—Дуугүй бай. Түүнээс гар!

гэв. Тэгтэл чөтгөр түүнийг хүмүүсийн дунд унагаагаад, гэмтээлгүйгээр түүнээс гарч одов. 36Бүгд гайхаж, өөр хоорондоо

Капернаум дахь хүмүүс

—Энэ юун сургаал вэ? Тэр эрх мэдэл хийгээд хүчээр бузар сүнснүүдэд тушаахад тэд гарцгаах юм

гэж ярилцаж эхлэв. 37Түүний тухай зар хавийн бүх газраар тархаж байлаа.

38Есүс босож, синагогаас гараад, Симоны гэрт ороход хадам эх нь маш их халуунтай шаналж байжээ. Тэд Симоны хадам эхийн төлөө Түүнээс гуйв. 39Есүс хадмынх нь дэргэд зогсоод, халууныг зандрахад халуун нь буужээ. Тэр эмэгтэй босоод тэдэнд үйлчлэв. 40Элдвийн өвчтэй хүмүүсийг нар жаргах үеэр Есүст авчирсанд Тэр хүн бүр дээр гараа тавин тэднийг эдгээж байлаа. 41Чөтгөрүүд олон хүнээс

Чөтгөрүүд

—Та бол Бурханы Хүү мөн

хэмээн хашхиран гарч байв. Түүнийг Христ гэдгийг нь тэд мэдэж байсан тул Тэр тэднийг загнаад тэдэнд ярихыг зөвшөөрөхгүй байлаа.

42Үүр цайх үеэр Есүс явж, зэлүүд газар очсон боловч олон түмэн Түүнийг хайж байв. Тэгээд тэд Түүн дээр ирж, Есүсийг явуулахгүй байхыг хичээцгээж байлаа. 43Харин Тэр тэдэнд

Есүс

—Би өөр хотуудад ч бас Бурханы хаанчлалын сайнмэдээг хүргэх учиртай. Энэ зорилгын тулд Би илгээгдсэн билээ

гэв. 44Тэр Иудейн синагогуудад тунхагласаар байлаа.

Бурханыг илүүгээр мэдэхийг хүсэн тэмүүлэх

• Энэхүү хэсэгт гарч буй Бурханы үйлсийг эргэцүүлээрэй.
• Эдгээр нь Бурханы арга замын талаар юу харуулж байна вэ?
• Бурханы эдгээр арга замуудыг та амьдралдаа харсан уу? Хэрэв тийм бол, яаж? Хэрэв үгүй бол харахын тулд та юу хийх вэ?
• Бурханыг мэдэх хүсэлдээ өсөж, түүнийг илүү ойр дотно дагахын тулд энэ долоо хоногт та юу хийж болох вэ?